Psa 137 | LXX | STEP | τῷ Δαυιδ. Ἐπὶ τῶν ποταμῶν Βαβυλῶνος ἐκεῖ ἐκαθίσαμεν καὶ ἐκλαύσαμεν ἐν Τῷ μνησθῆναι ἡμᾶς τῆς Σιων.

Psalms 137

1 ^{▼▼LXX: Psa.136:1}τῷ Δαυιδ. Ἐπὶ τῶν ποταμῶν Βαβυλῶνος ἐκεῖ ἐκαθίσαμεν καὶ ἐκλαύσαμεν ἐν Τῷ μνησθῆναι ἡμᾶς τῆς Σιων. 2 ^{▼▼LXX: Psa.136:2}ἐπὶ ταῖς ἰτέαις ἐν μέσῳ αὐτῆς ἐκρεμάσαμεν τὰ ὄργανα ἡμῶν· 3 ^{▼▼LXX: Psa.136:3}ὅτι ἐκεῖ ἐπηρώτησαν ἡμᾶς οἱ αἰχμαλωτεύσαντες ἡμᾶς λόγους ᾠδῶν καὶ οἱ ἀπαγαγόντες ἡμᾶς ὕμνον ασατε ἡμῖν ἐκ τῶν ᾠδῶν Σιων. 4 ^{▼▼LXX: Psa.136:4}πῶς ᾄσωμεν τὴν ᾠδὴν κυρίου ἐπὶ γῆς ἀλλοτρίας; 5 ^{▼▼LXX: Psa.136:5}ἐὰν ἐπιλάθωμαί σου, Ιερουσαλημ, ἐπιλησθείη ἡ δεξιά μου· 6 ^{▼▼LXX: Psa.136:6}κολληθείη ἡ γλῶσσά μου, τῷ λάρυγγί μου. ἐὰν μή σου μνησθῶ, ἐὰν μὴ προανατάξωμαι τὴν Ιερουσαλημ ἐν ἀρχῇ τῆς ευφροσυνης μου 7 ^{▼▼LXX: Psa.136:7}μνήσθητι, κύριε, τῶν υἱῶν Εδωμ τὴν ἡμέραν Ιερουσαλημ τῶν λεγόντων ἐκκενοῦτε, Ἐκκενοῦτε ἕως ὁ θεμέλιος ἐν αὐτῇ. 8 ^{▼▼LXX: Psa.136:8}θυγάτηρ Βαβυλῶνος ἡ ταλαίπωρος, μακάριος ὃς ἀνταποδώσει σοι τὸ ἀνταπόδομά σου, ὃ ανταπεδωκας ἡμῖν· 9 ^{▼▼LXX: Psa.136:9}μακάριος ὃς κρατήσει καὶ ἐδαφιεῖ τὰ νήπιά σου πρὸς τὴν πέτραν.